زيارة امي و زوجها بالمخفر

حاول الشرطي يفتح جوالي, بس من كتر ما خبص بكلمة السر, انقفل معو, اجا لعندي وقلي بتعرف كلمة السر مشان الغاء القفل, وانا من جدبتي قلتلو فيني اتصل بسرياتيل واطلب منهم يعطوني كلمة السر تبع كرت السيم.....طلبو مني رقم هويتي يلي لهلق حافظو عن ظهر قلب (على ما قد ما كنت كررو باتصالاتي معهم). هون الشرطي فرح لان قدر يفتح جوالي, ويبدو بنفس الوقت اتصل فيني بنت خالي, وخبرها الشرطي انو انا بمخفر الشاغور, بنت خالي خبرت امي وامي خبرت زوجها, واجو لعندي بالليل.......

موقف لا احسد عليه, لما فتت وشفتها هي وزوجها والضابط, بتذكر اني ركعت عند رجليها وصرت ابكي, وزوجها رفسني برجلو, طبعا لازم يظهر قدام الضابط انو اللواط تبعي مرفوض بالعيلة تبعنا وانني عار عليهم. بالوقت يلي هو اكبر عرصة ومو مخلي بنت او وحدة متزوجة تنفد من بين ايديه !

جيتهم كانت متاخرة, لان المحضر انفتح ومو ممكن انهم يخلو سبيلي,,,قبل مايروحو طلبت منهم يجيبولي حليب لان معدتي كانت كتير عم تحرقني....وبتذكر انو الشرطي يلي عطاني الكاسة كان كتير حلو.....حتى بهيك وضع كنت عم بصبص...

انا وعم اكتب, اتذكرت انو امي طلبت من الضابط انها تشوف حسام البيضاوي (يمكن بدها تشوف زوق ابنها هههههه), جابولها ياه مكلبش من رجليه وايديه, ووشو مورم من الضرب,,,كان شكلو بخوف.