نتائج ايجابية لمرضي

لازم لاقي شي ايجابي لمرضي مشان اقدر أتقبله....

بعد تفكير عميق، لقيت نقطتين اتنين. اول وحدة هي الاندفاع، يعني كتير من الاحيان لما كون بالذروة الجيدة للمزاج بعمل شغلات بالعادة بكون بخاف منها، بتذكر مثلا اول مرة اشتغلت مدرس، كنت كتير خايف اني واجه ٤٥ طالب بصف واحد، بس مابعرف كيف هيك رميت حالي وفتت وقلت يلي بدو يصير بصير, هل شي بصير معي بكتير مواقف بحياتي، انو الشي يلي بخاف منو بتلاقيني فجاة بعملو بدون مافكر، طبعا هل امر لا يخلو من امور سلبية، بس خليني متفائل شوي بهل مقال :)

الشي التاني الايجابي ويلي هلق انتبهت له بشكل اكبر هو انو لما كون بالذروة الايجابية بكون كتير اجتماعي وكيوت، وخاصة مع الجنس اللطيف. هل ميزة اضافة لهويتي المثلية عطت خليط مقبول و سمعة حلوة وخاصة بالشغل