أثار سلبية للمرض

هون حطنا الجمّال

طبعا احد اكبر الاثار السلبية هو الاكتئاب والحزن شبه الدائم وبدون سبب

هل اكتئاب احيانا بصاحبه قلق وغصة بالقلب كانك جايب سكين وعم تطعنها بقلبي، احساس كتير مؤلم خلى دكتورتي بناءا على طلبي المتكرر انها تضيف دوا اسمو Abilify ليخفف نوبات الهلع يلي عم تصير معي، والحمدلله خفت الاعراض, بالاضافة لدوا الاكتئاب يلي عم اخده من اكتر من سنة Sertraline

مرض الاكتئاب الدوري بطلعني احيانا لفوق وبكون سعيد وهون ممكن اصرف مصاري بطعمة وبلا طعمة، كب اغراض، أشتري امور مالي بحاجتها، اخد قرارات متهورة، وافقد التحكم على لساني والكلام يلي بيطلع من تمي. هي النقطة الاخيرة مرتبطة مع احد الاثار الايجابية يلي حكيت عنها سابقا